Talle Bloemfonteinse atlete het uitgeblink op die Suid-Afrikaanse tweekamp-kampioen-
skapsbyeenkoms wat in Oudtshoorn gehou is.
Die byeenkoms is op 22 Maart in die De Jager-stadion en Oudtshoorn se munisipale swembad gehou, waar atlete van die onderskeie ouderdomsgroepe afstande op die baan gehardloop het en daarna aan die toepaslike swemnommer deelgeneem het. Meer as 900 atlete van nege provinsies het meegeding.
Die span van die Hoërskool Sentraal in Bloemfontein het silwer behaal uit die 20 skolespanne wat aan die byeenkoms deelgeneem het. Van die uitblinkers is Philip le Roux (o.17) van dié skool wat goud behaal het en as die junior victor ludorum aangewys is.
Zoe Morgado (o.15) van die Eunice High School het individueel ‘n silwermedalje verwerf.
‘n Vrystaatse senior tweekamper wat uitgeblink het, is Lynette Fischer, wat goud verwerf het in die ouderdomsgroep vir atlete 60 jaar en ouer. Archie Markgraaff (80 jaar en ouer), wat vir Kovsies deelneem, het silwer verwerf.
Francois Deacon, wat in die afdeling vir junior veterane deelneem onder Kovsies se vaandel, het ‘n bronsmedalje verwerf.
Ander bronsmedaljewenners was Leandi Prinsloo (o.15) van Oranje en Louis-Harm Fourie (o.19) van Sentraal
Die atlete wat die 98 lede van die Suid-Vrystaatspan was, die Laer en Hoër Meisieksool Oranje, Willem Postma, Laerskool Fichardtpark, Grey-kollege, Eunice; asook die Hoërskool Sentraal, Hoërskool Bultfontein, Hoërskool Staatspresident Swart en die Hoërskool Jim Fouché.
You must be logged in to post a comment.