Leerlinge aan die Hoërskool Fichardtpark het in twee atletiekbyeenkomste ’n ryke medalje-oes gelewer.
Saam het hulle 16 medaljes – drie goud, sewe silwer en ses brons – verwerf.
Die nasionale atletiekbyeenkoms vir skole is van 16 tot 19 Maart in Germiston aangebied, en die Suid-Afrikaanse byeenkoms het van 31 Maart tot 2 April in Potchefstroom plaasgevind.
Goue medaljes
- Cilethe Julies (o.17, behaal goud in hamergooi in Germiston én Potchefstroom); en
- Ruan Kriel (o.15, hamergooi, Potchefstroom).
Silwermedaljes
- Lize Ackerman (o.17, lid van die Vrystaat se wissel-aflosspan, Germiston);
- Ruan (o.15, hamergooi, Germiston);
- Judy Watson (o.15, diskusgooi, Germiston);
- Jaco Grobbelaar (o.17, hamergooi, Germiston);
- Amy Jacobs (o.19, hamergooi, Germiston);
- Matthew Dorow (o.15, hamergooi, Potchefstroom); en
- Tiaan Pretorius (o.17, hamergooi, Potchefstroom).
Bronsmedaljes
- Alwyn Olivier (o.15, lid van wissel-aflosspan, Germiston);
- Lize (o.17, 400 m, Germiston);
- Tiaan (o.17, hamergooi, Germiston);
- Judy (o.15, diskusgooi, Potchefstroom);
- Jaco (o.17, hamergooi, Potchefstroom); en
- Natasha Gertenbach (o.17, 100 m-hekkies, Potchefstroom).
Boonop het Elaine Pretorius, wat verlede jaar aan Fichardtpark matrikuleer het, ’n goue medalje vir hamergooi in die o.19-afdeling behaal.
