Iets waaroor wyle oom Ewie Cronjé gedroom het, het die afgelope naweek waar geword met die eerste Ewie Cronjé-rolbaltoernooi wat op dié eerste naweek van April by die Bloemfontein-rolbalklub plaasgevind het. Die toernooi is deur Rolbal Suid-Afrika, in samewerking met die Vrystaatse Krieketunie, aangebied en 38 spanne het deelgeneem. Oom Ewie, ’n ywerige rolbalspeler, was die voormalige president van die Vrystaatse Krieketunie, en sy weduwee, San-Mari, het die eerste bal van die toernooi gerol.Foto: Lientjie Mentz
