Entrepreneurs in Bloemfontein kan nou deelneem aan ’n opwindende nuwe kompetisie en die kans staan om hul deel van R75 000 in prysgeld te wen.
Die Mangaung Kamer van Koophandel en Nywerheid (MCCI), in samewerking met die Lugrederymaatskappy van Suid-Afrika (ACSA), het die derde kamer in Suid-Afrika geword om die kompetisie Die Entrepreneur aan te bied.
’n Reëlingskomitee is aangestel om alle aspekte en fases tot en met die aankondiging van die wenners van die kompetisie in Desember te bestuur.
Cobus Oelofse, wat 14 jaar gelede Die Entrepreneurs-program en -kompetisie in KwaZulu-Natal (KZN) begin het, het tydens die bekendstelling op Donderdag 4 Julie verduidelik waaroor die kompetisie gaan.
Ele Tshikovhi, algemene bestuurder vir transformasie by ACSA, hoop om die kompetisie uit te rol na ander sentra in Suid-Afrika wat deur ACSA bedien word.
In 2023 het George die tweede plek geword om die kompetisie te huisves.
André van der Berg, programleier by die MCCI, het gesê dat Die Entrepreneur 2024 is daarop gemik om ontluikende ondernemings te help groei en gedy.
“Ons het ’n massiewe werkloosheidsyfer hier in die Vrystaat, veral onder die jeug. Die sake-sektor moet help om klein ondernemings te ondersteun sodat hulle kan groei en nuwe werksgeleenthede skep.”
Die Entrepreneur 2024 is nie net ’n kompetisie waarin die drie topdeelnemers kontantpryse kan wen nie – die finaliste sal deel wees van ’n mentorskapprogram wat daarop gemik is om hulle op te lei in alle aspekte van die bestuur van ’n groeiende onderneming.
Die reëlingskomitee gaan 25 finaliste uit die inskrywings kies.
Die MCCI sal tutors reël wat akademies gekwalifiseerd is om die programsessies aan te bied as deel van Die Entrepreneurs-program 2024.
Nancy de Sousa, president van die MCCI, verduidelik dat die programsessies vir die finaliste oor ’n tydperk van tien Saterdae sal plaasvind.
Finaliste moet hierdie sessies, wat van 08:00 tot 13:00 gehou sal word, bywoon.
Aan die einde van die jaar sal die 25 finaliste die geleentheid kry om aan ’n uitstalling deel te neem, en die wenners sal op 6 Desember aangekondig word.
Die eerste prys is R30 000, die tweede prys is R25 000, en ‘n derde prys van R20 000 sal ook toegeken word.
Hoe om in te skryf
- Inskrywing is reeds oop, en alle aansoeke moet voor 5 Augustus ontvang word.
- ’n Ondernemings moet al ten minste ’n jaar lank in bedryf wees – geen aanvangsondernemings word toegelaat nie.
- Die jaarlikse omset van die onderneming moet minder as R6,6 miljoen per jaar wees.
- Aansoekdokumente moet onder meer ’n plan insluit oor hoe die onderneming uitgebrei kan word.
Aansoek- en ander verwante vorms is sedert 10 Julie op die MCCI se webwerf beskikbaar, by mcci.co.za of bcci.co.za.
