Internasionale Downsindroomdag word op 21 Maart gevier, en om daarby aan te sluit bied Downsindroom Vrystaat ’n geselligheid aan waarheen volwassenes met Downsindroom genooi word.
Susette Brynard, ma van Shéri, sê daar word vanjaar spesiaal gefokus op steriotipes.
Op die geselligheid, wat op 2 Maart van 10:00 af by Koekela-huiskafee in Westdene aangebied word, gaan ’n biokinetikus met die groep kom gesels oor belangrike oefeninge wat hulle moet doen.
Sy sê Shéri, die internasionale ambassadeur vir mense met Downsindroom, is genooi om ’n vierde keer in Oxford op ’n vroueleierskap-simposium te gaan praat.
Sy het ’n beurs gekry om die koste van dié uitstappie te betaal.
Rig navrae oor die groep aan Susette by 083-415-0459.
