Danksy die aangepaste Covid-19-regulasies kan geleenthede soos Bloemskou voortgaan soos beplan.
“Ons is dankbaar en verheug dat die aangepaste regulasies dit moontlik maak om Bloemskou van 27 April tot 7 Mei aan te bied,” sê Elmarie Prinsloo, uitvoerende hoof.
“Ons verwelkom graag besoekers, uitstallers en deelnemers wat aan die nuut aangekondigde regulasies voldoen. Dit sluit ’n bewys van inenting in – of, as alternatief, bewys van ’n negatiewe Covid-19 toets wat nie ouer as 72 uur is nie.”
Binne die regulasies sluit Bloemskou aan by Nampo, die Royal-skou, Randse skou, Agri-ekspo, Nampo-alfa en alle sportstadions en groot geleenthede om besoekers in groot getalle terug te verwelkom.
“Dankie vir die ondersteuning aan Bloemskou en aan elke klein onderneming, entrepreneur, teler, deelnemer, diensverskaffer en betrokkene.”
Besoek bloemskou.co.za.
