Die derde ronde van die Carling Curriebeker Premier Divisie skop Vrydag in Kimberley af wanneer Griquas en Westelike Provinsie die stryd aansê. Die tuispan is vasbeslote om voort te bou op hul oorwinning oor die Boland Kavaliers verlede naweek, terwyl die Kapenaars desperaat hul eerste oorwinning van die seisoen soek.
Saterdag se aksie begin in Pretoria waar die Bulle die Pumas om 15:00 verwelkom. Later die dag sal die Sharks probeer om tuisveld-voordeel te benut wanneer hulle die Cheetahs om 17:10 in Durban in die gesig staar.
Die Boland Kavaliers sal hul derde agtereenvolgende Sondag wedstryd speel, hierdie keer teen die Lions met ’n afskoptyd van 15:00 op Wellington.
Griquas soek sewende opeenvolgende oorwinning
In Vrydag se botsing sal Westelik Provinsie desperaat wees vir ‘n oorwinning na twee Curriebeker nederlae hierdie seisoen. Kimberley is egter bekend as ’n moeilike jagveld, en Labeeb Levy se jong troeppe sal ’n merkbare verbetering nodig hê om die gasheerspan te oorwin.
Griquas het onlangse ontmoetings tussen die twee spanne gedomineer en is op ’n sewe-wedstryd-wenstreek teen WP. Hul mees onlangse oorwinning was in September verlede jaar toe hulle 37-29 tuis geseëvier het.
Na ’n noue nederlaag teen die Pumas in die openingsronde, het Pieter Bergh se manne teruggeveg met ’n 48-39-oorwinning oor ’n geesdriftige Kavaliers-span. Hulle sal selfvertroue hê vir hierdie botsing teen ’n jeugdige Westelik Provinsie-span wat nog hul voete in die kompetisie vind.
Bulle jaag perfekte rekord
Die Bulle, vroeë voorlopers in die kompetisie, sal daarop gemik wees om hul dominansie oor hul oostelike bure, die Pumas, uit te brei. Hul 40-24-oorwinning in hierdie wedstryd verlede September was ’n tweede opeenvolgende oorwinning vir die manne van Pretoria na ’n swaar 63-15-nederlaag teen die span van Mpumalanga in Mei 2023.
Hierdie seisoen lyk die Bulle egter formidabel, met maksimum punte uit hul eerste twee wedstryde en ’n baie aantreklike rugbystyl. Hul twee oorwinnings tot dusver sluit ’n 64-0-vernietiging van die Sharks op Loftus Versfeld, en ’n oortuigende weg-oorwinning oor Westelike Provinsie.
Die Pumas, wat Griquas in ronde een geklop het, het verlede naweek tekortgeskiet teen ’n vasbeslote Cheetahs-span in Bloemfontein. Saterdag se botsing in Pretoria sal nog ’n streng toets wees vir die 2022-kampioene van Mbombela.
Sharks soek herstel teen top-vorm Cheetahs
In Saterdag se laatmiddag-wedstryd ontvang die Sharks die Cheetahs by die Sugar Ray Xulu Stadion in Durban, waar Frans Steyn se span gretig sal wees om voort te bou op hul opwindende oorwinning oor die Pumas verlede naweek.
Kragmeitngs tussen hierdie twee spanne het dikwels vuurwerke gelewer, met die Durbanites wat ’n noue 3-2-voorsprong in hul laaste vyf ontmoetings het. Gebaseer op huidige vorm sal die jong KZN-span egter as buiteperde hierdie een ingaan.
JP Pietersen se jongspan sal probeer terugveg na verlede week se swaar nederlaag op Loftus, maar hulle staar ’n moeilike uitdaging in die gesig teen ’n Cheetahs-span wat moed getoon het om die Pumas te oorwin. Die laaste keer wat hierdie twee ontmoet het, het die Sharks 25-20 gewen.
Lions soek momentum op Wellington
Sondag se wedstryd op Wellington sien die Kavaliers teen ’n Leeus-span wat vol selfvertroue hoogvlieg. Die Bolanders, nuut bevorder na die Premier Divisie, sal tevrede wees met hul ses ligapunte tot dusver.
Die Hoëvelders bied egter hul moeilikste uitdaging tot dusver. Met net een nederlaag in hul laaste vyf wedstryde in hierdie kompetisie (’n noue nederlaag teen hul Durban-teenstanders in die 2024-eindstryd), spog die Leeus met ’n kragtige maar mobiele pak voorspelers en ’n kragtige agterlyn. Ondersteuners op Wellington kan ’n vermaaklike, aanvallende kragmeting Sondagmiddag verwag.
Wedstryd bepalinge:
Suzuki Griquas vs DHL Westelike Provinsie
Vrydag, 8 Augustus – Suzuki Stadion, Kimberley – 15:00
Vodacom Bulle vs Airlink Pumas
Saterdag, 9 Augustus – Loftus Versfeld, Pretoria – 15:00
Hollywoodbets Sharks XV vs Toyota Cheetahs
Saterdag, 9 Augustus – Sugar Ray Xulu Stadion, Durban – 17:10
Sanlam Boland Kavaliers vs Fidelity ADT Leeus
Sondag, 10 Augustus – Sanlam Boland Stadion, Wellington – 15:00
Alle wedstryde sal regstreeks op SuperSport Rugby uitgesaai word.
You must be logged in to post a comment.