Donna le Roux (17) van die Hoër Meisieskool Oranje is een van vyf uiters talentvolle Suid-Afrikaners wat tot Saterdag 12 April deelneem aan die toernooi om die Billie Jean King-beker in Larnaca, Siprus.
Dit is ‘n groepstoernooi vir groep 2 van Europa en Afrika.
Hoewel Donna nie so goed gevaar nie het in die eerste wedstryd, teen Magdalena Stoikovska, het sy en spanmaat Jahnie van Zyl die dubbelspel met 6 – 2 en 6 – 0 gewen teen Macedonië se span.
Op die tweede dag het die Suid-Afrikaanse span met die span van Kosovo afgereken (3 – 0). Donna het Vesa Gjinaj met 6 – 3, 3 – 6 en 6 – 3 in die stof laat byt.
Intussen het reën ammok gesaai in Bloemfontein waar die junior nasionale kampioen-skapsbyeenkoms gespeel is.
Lika en Mandie Claassens, ook van Oranje, was Maandag in die o.14-dubbelspel met 6 – 3, 3 – 2 voor toe reën die wedstryd beëindig het. Hulle het ook die halfeindstryd van die o.14-enkelspel gehaal en is dus albei in die derde plek in die enkelspel.
Nestine van Rooyen van Oranje was in die o.18-kwarteindstryd.
Meer as 500 junior spelers het aan dié toernooi van 2 tot 7 April deelgeneem.
You must be logged in to post a comment.