Die Vanguard Martial Arts-gevegskunsskool (VMA) het op 25 Mei die provinsiale ATA Songahm Taekwondo-toernooi, die Cheetah Clash, by Grey-kollege aangebied.
Die VMA se 34 studente het goed gevaar en altesaam 173 medaljes gewen. Die medalje-oes het 85 goue, 59 silwer- en 29 bronsmedaljes ingesluit.
Die studente het in verskeie karatestyle meegeding, soos tradisionele vorms, tradisionele wapens, kontak-geveg (kumite), geveg met wapens, “extreme martial arts” of XMA, XMA-wapens, spankumite en spankumite met wapens.
Die Cheetah Clash was ’n geleentheid vir ATA Taekwondo-studente van alle ouderdomme om hul vaardighede te toon en mee te ding.
Die VMA se prestasie het ’n hoë standaard vir toekomstige toernooie gestel, en weerspieël die ware gees van gevegskuns.
