’n Skenking van kospakkies gaan behoeftige gesinne oor die Vrystaat heen help.
Human Auto Bloemfontein en Ford SA het deur hul internasionale Global Giving-program aan Engo Gesinsorg ‘n donasie gemaak van R54 000 waarmee 85 kospakkies vir behoeftige gesinne gekoop kon word. Hierdie kospakkies gaan aan Engo se Gesinsorgkantore versprei word en bring groot verligting vir gemeenskappe en gesinne wat swaar kry.
De Wet Claassens, uitvoerende hoofdirekteur van Engo, het die personeel van Human Auto Bloemfontein bedank vir die onbaatsugtige en deurlopende ondersteuning aan Engo.
Engo bedien jaarliks meer as 200 000 mense in die Vrystaat, deur hulle 33 Kinder- en Jeugsorgsentrums, 20 bejaardesorgsentrums, 10 gesinsorgkantore, ’n Gestremdesorg-sentrum, aannemingskantoor en hospitaalsorg. Engo werk al meer as 120 jaar in die Vrystaat om Ewige Hoop uit ‘n Christelike perspektief aan mense in nood te bring.
