Liefhebbers van kos en wyn kan vroegtydig hul kaartjies vir vanjaar se WildsKOSfees op die De Oude Kraal-landgoed buite Bloemfontein kry.
Dié fees, waarop liplekker wildskosgeregte, asook hoender, bees, vark en lam, oor die kole voorberei gaan word, vind op 10 Junie plaas.
Die gourmet-saal sal weer ’n gewilde bymekaarkomplek wees.
Gerhard Lombard van De Oude Kraal sê 22 wynplase sal verteenwoordig word.
Die fees begin om 10:00 en sal tot 16:00 duur.
Kaartjies kos R595 en daar is 100 kaartjies teen R1 000 vir die gourmet-saal.
Kaartjies is te koop by Crazy Daisy in die Fleurdal Mall, Daisy & Co by Prellerplein of skakel 051-564-0733.
