’n Verskeidenheid besonderse antieke meubels en versamelaarsware kom op Maandag 25 September, wat ’n vakansiedag is, onder die hamer.
Die Erfenisdagveiling wat deur vrywilligers ten bate van Sentraal24 en Volksblad se Kersfonds aangebied word, vind weer by die Oorlogsmuseum van die Boererepublieke plaas.
Die voorraad sluit ’n 23-stuk Geisha-teestel, ’n antieke eikehout-spieëlkas en ’n antieke sakhorlosie in.
Pieter Erasmus van Bainsvlei-afslaers sal die veiling om 11:00 behartig.
Gaste word genooi om op die Maandag van 08:00 af na die voorraad in die Oorlogsmuseum te gaan kyk voordat die veiling begin.
Skenkings wat die fonds die afgelope tyd ontvang het, word hier erken. Baie dankie aan:
NG gemeente Gardeniapark
NG gemeente Steynsrus
NG gemeente Brandfort
NG gemeente Bloemfontein-Noord
NG gemeente Parys
NG gemeente Estoire
NG gemeente Rosendal
NG gemeente Uitsig
NG gemeente Bloemfontein-Wes
NG gemeente Rouxville
H Delport
- Totaal vir vandag: R8 117,25 Inbetalings vir die fonds wat jaarlikse meer as 30 instellings geldelik ondersteun, kan nou gedoen word. Doen inbetalings by die volgende Nedbank-rekening: Volksblad-Kersfonds, 102-891-9980, takkode 117-134. Stuur ’n afskrif van die inbetalingstrokie na annemarie@engo.co.za.
- Geregistreerde liefdadigheidsorganisasies wat aansoek om ’n bydra uit die Kersfonds wil doen, kan aansoekvorms by Anne-Marie Nel kry deur ’n e-pos na annemarie@engo. co.za te stuur. Aansoeke sluit einde September.
