Die debuutboek in die voormalige Mej. Heelal, Margaret Gardiner, se nuwe reeks Bedorwe Skoonheid. Die eerste boek in die reeks Joey Superster, kry wêreldwyd 5-ster resensies.
Die boek wat reeds in Amerika en die Verenigde Koninkryk bekendgestel is, handel oor die model Joey Superster, ’n vrou in haar twintigs wat meegesleur word deur ’n warrelwind van die bedryf. Dit gee ’n kykie in die donker wêreld agter die skerms en vertel die verhaal van een vrou se selfontdekking.
Gardiner is in Suid-Afrika gebore en is ’n bekende moderedakteur, voormalige mej. Heelal en ’n voorstander vir geestesgesondheid en liggaamspositiwiteit. Sedert sy in 1978 as mej. Heelal gekroon is, het sy haar platform gebruik om bewustheid te skep oor kwessies soos aanlyn afknouery, geestesgesondheid en die druk van ’n lewe in die kollig. Sy bly ’n invloedryke stem in die mode- en skoonheidsbedryf en bied ’n unieke perspektief op selfbemagtiging en veerkragtigheid.
“Ek het nog altyd geglo dat skoonheid meer as net oppervlakkig is, maar sosiale media dwing ons dikwels om onmoontlike standaarde na te streef,” sê Margaret. “Niemand behoort wreedheid of haat te ervaar bloot omdat hulle hulself uitdruk of in die kollig leef nie. Ons moet saamwerk om ’n meer positiewe aanlyn gemeenskap te skep.”
Bedorwe Skoonheid: Joey Superster word op 10 Maart deur Naledi uitgegee.
” ’n Groot dag het aangebreek vir Naledi. Om Margaret Gardiner se eerste internasionale roman uit te gee, is ’n belangrike mylpaal vir ons. Die Engelse en Afrikaanse weergawes verskyn in Maart in Suid-Afrika en sal gepaardgaan met haar besoek aan die land – ’n groot hoogtepunt in ons publikasieprogram,” sê Johan Coetzee, uitvoerende hoof van Naledi.
Een leser staan die kans om ’n kopie van Bedorwe Glorie: Joey Superster te wen deur BloemNuus se Facebookblad te besoek.
