Die vier netbalspanne van die Hoërskool Jim Fouché het gekwalifiseer vir die Vrystaat-kampioenskap in Frankfort wat Saterdag (17/09) aangebied is.
Albei o.17-spanne het die kwarteindronde gehaal.
Die o.15-Groenspan het na die halfeindronde deurgedring en was derde in die toernooi ná ’n oorwinning oor die Hoërskool Fichardtpark.
Die o.17-Groenspan, onder leiding van Mary-Ann Goeieman, het die toernooi gewen met hul oorwinning teen die Goudveld-Hoërskool.
Albei spanne sal die Vrystaat verteenwoordig op die Suid-Afrikaanse Nasionale Fast 5-kampioenskapsbyeenkoms wat op 3 en 4 Oktober in Boksburg gehou word.
