Die Hoër Meisieskool Oranje het ’n agtste keer agtereenvolgens die interhoërswemgala se meisieskool-afdeling gewen en was in drie ouderdomsgroepe die meisiespan-kampioen.
Die swemgala is op 23 en 24 Februarie by Grey-kollege beslis.
Die swemmers van Oranje het in die o.14-, o.16- en o.19-ouderdomsgroep geseëvier en het altesaam 19 goue medaljes verower. Dit het prestasie in vyf aflos-nommers ingesluit.
Anieke Helmand was die voorste swemmer in die ouderdomsgroep 17 jaar en ouer. Anieke het al vyf individuele eindrondes waarin sy geswem het, gewen.
