As jy steeds dink rolbal is net vir afgetredenes bedoel, gaan loer gerus die naweek van 29 Maart na die jonklomp wat in Bloemfontein saamtrek om die topspanne in die land te bepaal.
Daar kom 276 spelers van so jonk as agt jaar oud tot jong volwassenes om aan vanjaar se Junior Rolbaltoernooi te kom deelneem.
Vanjaar is daar 16 o.15-spanne en 26 o.18-spanne wat dit om die topplekke by die Orangia-rolbaalbaan uitspook.
Die 108 o.25-spelers speel weer soos verlede jaar by die Oud-studente-rolbalklub se bane.
Rudolph Delport, president van die Orangia-rolbalklub, sê die Suid-Vrystaat het afgesien van die A- en B-spanne in elke afdeling, ook ‘n ontwikkelingspan ingeskryf van spelers wat minder as een jaar rolbal speel. Die toernooi begin Saterdag met die amptelike opening om 09:15 en uitspeelwedstryde vir die wenners vind Dinsdag 1 April plaas.
Delport sê jonger spelers raak toenemend by die spel betrokke.
You must be logged in to post a comment.