Sentraal24 het in Maart sy eerste prysuitdeling gehou sedert die vyf gemeenskapskoerante van Media24 in die sentrale streek onder dié vaandel uitgegee word.
Personeel van Bloemnuus en Express in Bloemfontein, Vista in Welkom, NoordkaapBulletin in die Noord-Kaap en VrystaatKroon het die geselligheid bygewoon.
Die wenners was:
* Helena Barnard, redakteur van NoordkaapBulletin: Digi Champ vir die beste digitale voetspoor en Storiemaker van die Jaar;
* Coleen Cilliers, verkoopsbestuurder van Sentraal24: Sentraal24 se Verskilmaker van die jaar;
* Anché de Bruin, verkoopskonsultant vir Bloemnuus en Express: Sentraal24 se Going Beyond-eerbewys vir direkte verkope;
* Michelle Walker, telebemarker van Vista: Sentraal24 se Going Beyond-eerbewys vir telebemarking; en
* Madré Marais, hoofsubredakteur van Sentraal24: Woordsmid.
