‘n Splinternuwe Toyota Vitz 1.0 MT is op die spel vir een klant van Pick n Pay Preller Walk wat R300 of meer spandeer en Carols with the Stars op Vrydag 14 November bywoon.
Klante het tot 13 November tyd om hul inkopies hier te doen; hul inligting (naam en van, ID-nommer en selfoonnommer) agterop die strokie te skryf; en dit in die gemerkte houers by die winkel te gooi.
Slegs finaliste wat die aand by Carols with the Stars teenwoordig is, staan die kans om die motor te wen. Die trekking vind ná die musiekvertoning plaas. Vyf strokies sal getrek word en die finaliste sal elk ‘n sleutel vir ‘n Toyota Vitz ontvang. Die sleutel wat die motor oopsluit, wen dié splinternuwe motor. Vanjaar se Carols with the Stars beloof om ‘n onvergeetlike aand te bied, met die gewilde Afrikaanse sanger Refentse en sy orkes op die verhoog.
Ná sy vertoning op die aand van Carols with the Stars gaan Cèzanne Yzelle en Mario Lategan die voorsang lei van die bekendste Kersfeesliedjies wat die gehoor kan saamsing.
Carols with the Stars word weer vanjaar op die Laerskool Willem Postma se sportvelde aangebied.
Toegang kos R10 per persoon en al die geld wat ingesamel word, gaan vir liefdadigheid geskenk word.
Voor die vertoning sal daar van die middag 13:00 af ‘n buitelug-mark wees. Die Carols with the Stars-vertoning begin om 19:00.
You must be logged in to post a comment.