Twee Bloemfonteiners het goed gevaar op die J60 Cepha ITF-tennistoernooi wat van 3 Februarie tot Vrydag by die Meisieskool Oranje plaasgevind het.
Donna le Roux van die Hoër Meisieskool Oranje, wat eerste gekeur vir die toernooi was, het in die vroue-afdeling gewen.
Sy het Ninon Carpentier in die eindstryd van die meisies enkelspel met 6 – 2, 7 – 5 geklop.
Bogdan Mandic van Grey-kollege (sekondêr) het saam met sy dubbelspel-spanmaat Maksim Mihic na die eindstryd deurgedring, waar hulle teen die span van Groot Brittanje vasgeval het.
Die J100 Cepha ITF-toernooi het Maandag by Oranje begin.
