Die Suid-Vrystaatse spanne het geseëvier tydens Vrystaatse interprovinsiale senior jukskeitoernooi wat Saterdag (28/01) by Mudd-plein in Bloemfontein aangebied is.
Die Suid-Vrystaters het die A-, B-, D-, E- en F-afdelings gewen en het daarmee die spantrofee gewen.
Spelers van die Noord-Kaap, Noord-Vrystaat en Oos-Vrystaat het teen plaaslike spanne meegeding.
In die C-afdeling het Noord-Kaap gewen en moes die Suid-Vrystaters tevrede wees met die tweede plek.
Die wenspanne het bestaan uit Piet van Schalkwyk, Neels Thuynsma, Johan Groenewald en Herman Nel (span A); Anon Schlebush, Len van der Sandt, Cassie Steyn en Danie van der Bank (span B); Cornél de Beer, Wikus du Preez, Hester Venter en Theunis du Preez (span D); Pieta Oosthuizen, Jack Pavier, Jurgens du Plessis en Susan Grimbeeck (span E); en Johan van der Linde, Petru Pieters, Renier du Plessis en Lena Greyvenstein (span F).
