Twee Bloemfonteiners is die naweek gekroon as die beste in hul afdeling op Tennis Suid-Afrika (TSA) se junior meesterskampioenskapsbyeenkoms wat op Sondag 20 Oktober in Pretoria ten einde geloop het.
Die tweede gekeurde Donna le Roux, van die Hoër Meisieskool Oranje, het in die o.18-afdeling koning gekraai nadat sy Luise Janse van Rensburg, wat derde gekeur was, met 6-2, 6-0 verslaan het.
In die afdeling vir o.16-seuns het die eerste gekeurde Bogdan Mandic van Grey-kollege (sekondêr) Pavlos Christoforakis met 6-4, 2-6 en 6-2 verslaan.
