Op die baan is dit oorlog, maar langs die rolbaan is daar ’n heerlike kameraadskaplikheid.
So het maj. Roger Griffin van die Bloemspruit-lugmagbasis en president van die Suid-Afrikaanse Nasionale Weermag (SANW) se Rolbalvereniging gesê oor die weermag se nasionale streekskampioenskap wat verlede week by Orangia-rolbalklub plaasgevind het.
Spanne van die leër, lugmag, die militêre gesondheidsdienste van agt streke het teen mekaar meegeding in die kompetisie.
