Heelwat meer inskrywings is vanjaar vir die Vriende van Franklin se jaarlikse fotografiekompetisie ontvang.
Dié kompetisie is verlede jaar bekend gestel.
Die vier pryswenners het Saterdag (14/05) op ’n geselligheid op Reizisplein hul pryse ontvang. Elkeen het ’n A2-vergroting van hul wenfoto ontvang.
Al vier afdelingwenners het ook ’n Kloppers-koopbewys ter waarde van R250 van Bloemnuus ontvang.
Danie Brink is as die algehele wenner aangewys. Sy swartwit-foto van ’n kameelperd was ook die wenner in afdeling 1, wat die wild van Naval Hill moes uitbeeld.
Hy het ’n Nikon Coolpix S9900-kamera van Bloemnuus ontvang.
Mydrie Engelbrecht se foto het die wenplek in afdeling 2 (Naval Hill-voëlewe) verower.
Sy het ’n Kloppers-koopbewys ter waarde van R1 000 en ’n Gys Die Slagter-geskenkpak ter waarde van R500 gewen.
Kobus Pelser se landskapfoto van Bloemfontein is die wenfoto in afdeling 3. Hy het ’n Gys Die Slagter-geskenkpak ter waarde van R500 gewen, asook ’n nag se verblyf en ontbyt by die Franklin View-gastehuis in Inneslaan.
Die wenfoto in afdeling 4, ’n foto van die muurskildery van Zuri die kameelperd op Reizisplein, is Maryna Jacobs.
Sy wen ’n R500-koopbewys van Reizisplein, asook ’n Social Food Club-koopbewys vir jenewer en ’n ontbyt vir twee by Seisoen, ook by Reizisplein.
